როგორ ვაქციოთ დაბრუნებული შეკვეთები შემოსავლის წყაროდ - შემოსავლების ზრდისა და ხარჯების შემცირების სტრატეგიები

დაიღალეთ დაბრუნებული საქონლისგან, რომელიც თქვენს შემოსავალს ამცირებს? 

წარმოგიდგენთ სტრატეგიებს, რომლებიც გამოგადგებათ დაბრუნების პროცესის ოპტიმიზაციაში, ეფექტურობის გაზრდაში, ხარჯების შემცირებასა და პრობლემის შესაძლებლობად ქცევაში.

რატომ უნდა მოხდეს დაბრუნების პროცესის მართვა?

დაბრუნება — ელექტრონული კომერციის განუყოფელი ნაწილია, მაგრამ მან არ უნდა ჩაშალოს თქვენი საოპერაციო ჯაჭვი. მისი გავლენა ძლიერდება პიკურ სეზონებზე — ახდენს ლოჯისტიკის გადატვირთვას, ზრდის ხარჯებს და ართულებს მდგრადი განვითარების მიზნების განხორციელებას. 

დაბრუნების პროცესის ეფექტური მართვა - არამარტო სასარგებლო მეთოდია, არამედ თამაშის წესების რადიკალური ცვლილება თქენი ბიზნესის მხარდასაჭერად და მისი განვითარების სწორი მიმართულების შესანარჩუნებლად.

მთავარი ფაქტორები, რომელბიც საფუძვლად უდევს დაბრუნების პროცესს 

თითოეულ დაბრუნებულ საქონელს თავისი მიზეზი აქვს, დაწყებული ზომით, დამთავრებული იმედგაცრუებით. ამიტომ, დაბრუნების მიზეზების ცოდნა და ანალიზი, ერთ-ერთ მთავარ საკითხს წარმოადგენს პროცესის გასაკონტროლებლად.ზოგჯერ პრობლემა ეხება არა პროდუქტს, არამედ მისი წარდგენა-მიწოდების ფორმას. დაბალი ხარისხის გამოსახულება, გაუგებარი აღწერა, მცდარი ზომების ცხრილი - ყველაფერი ეს იწვევს მომხმარებლის გაწბილებას. ზოგჯერ დაბრუნებას საფუძვლად უდევს მყიდველების კულტურული და ჩვევების სხვაობა, რაც ხაზს უსვამს სხვადასხვა რეგიონებისთვის ინდივიდუალური სტრატეგიის შემუშავების აუცილებლობას.

დაბრუნების შემცირების სტრატეგიები

დაბრუნების რაოდენობის შემცირება — ეს არ არის უბრალოდ სავაჭრო პროცესი, ეს მთელი მეცნიერებაა. როცა ხვდებით, რომ რაღაც არასწორად ხდება და ზომების მიღებით შეგიძლიათ გაყიდვების გაზრდა და ნაკლები საქონლის დაბრუნება. ამას შეიძლება განსაკუთრებული მნიშვნელობა ჰქონდეს პიკურ სეზონებზე, როცა შესაძლებელია თქვენი სტრატეგიების ეფექტურობის გადამოწმება. 

ქვემოთ წარმოდგენილია ის ძირითადი სტრატეგიები, რომელბიც დაგეხმარებათ დაბრუნების შემცირებაში:

1) შეისწავლეთ დაბრუნების მიზეზები

დაიწყეთ დაბრუნების მიზეზების შესწავლა ყველაზე პრობლემური საქონლით. რატომ აბრუნებენ მათ? - ამ კითვაზე პასუხის გაცემა, ერთ-ერთი უმნიშვნელოვანესია პროცესის ოპტიმიზაციისთვის და სამომავლოდ, მომხმარებლის მოლოდინის დაკმაყოფილებისთვის. მუდმივად გაეცანით დაბრუნების ფორმებს, მომხმარებლების მიერ დატოვებულ გამოხმაურებებს, შეფასებებს და კომენტარებს - მათი გაანალიზება დაგეხმარებათ დაბრუნების შემცირების სტრატეგიების შემუშავებასა და ახალი გზების პოვნაში. 

2) მოაგვარეთ დაბრუნების პრობლემები

მუდმივად განაახლეთ ზომების ცხრილი და მიუთითეთ ზუსტი ინფორმაცია. ჩართეთ ისეთი დეტალები, როგორიცაა მოდელის ზიმაღლე და ზომა. ტანსაცმლის ბრენდების მიერ ამ მეთოდის გამოყენებამ, დაბრუნება შეამცირა 2.2%-ით. 

გააუმჯობესეთ გამოსახულების ხარისხი, გააკეთეთ ახლი ხედი და დინამიური კოლაჟი. ვიზუალური მასალის მუდმვად განახლებით და მაღალ ხარისხში წარმოდგენით, შესაძლებელია დაბრუნების 8,5%-ით შემცირება.

დააზუსტეთ აღწერა ისე, რომ გამოყოფილი იყოს პროდუქტის მთავარი მახასიათებლები, როგორიცაა მაგალითად: მასალა, ფერი, შემადგენლობა. 

გამოიყენეთ ტექნოლოგიური ინსტრუმენტები პროცესის გაუმჯობესებისთვის. მაგალითად: ვირტუალური სივრცე, სადაც მომხმარებელს შეუძლია პროდუქტი შეუძლია მოირგოს (მაგალითად: ვირტუალური გასახდელი) და ყველა მხრიდან დაათვალიეროს.

3) შეაფასეთ ხარჯები და სარგებელი

ნამდვილად ღირს ძალისხმევის გამოჩენა და თითოეულ პროდუქტზე ინფორმაციის დაზუსტება. გააანალიზეთ, არის თუ არა საქონელი მომგებიანი, რათა დაბრუნების შემდეგ განმეორებით გამოიტანოთ გასაყიდად? შემდეგ თვალი ადევნეთ შედეგს და ეფექტურობას. თუ საქონელი არ არის მომგებიანი, განიხილეთ მისი ასორტიმენტიდან ამოღების და უფრო ეფექტურით ჩანაცვლების საკითხი.

4)გარდაქმენით დაბრუნება შემოსავლის წყაროდ

დაბრუნებები არ უნდა იყოს ხარჯების საფუძველი. სინამდვილეში, მათ შეუძლიათ თქვენი ბიზნესის ოპტიმიზაცია, მარჟის გაზრდა და მომხმარებლების ლოიალურობის გაზრდაც კი. ყველაფერი დამოკიდებული თქვენს სწორ მიდგომასა და სტრატეგიაში შესაბამისი კორექტირებების შეტანაზე.

დაბრუნების პროცესის მართვის სტრატეგიის ოპტიმიზაციისთვის მნიშვნელოვნია გესმოდეთ კავშირი თქვენს მომხმარებლებსა და ფასების პოლიტკას შორის. ადგილობრივი კულტურა და ქცევის მოდელები, შეიძლება მნიშვნელოვან გავლენას ახდენდეს დაბრუნების გადაწყვეტილებაზე. იმის გამოვლენა, თუ რომელ კატეგორიებშია უფრო მეტი დაბრუნება, დაგეხმარებათ უკეთესად დაგეგმოთ სტრაგეგიული ნაბიჯები და მოახდინოთ რისკების დივერსიფიცირება სხვადასხვა ბაზრებზე. წინა სეზონების დაბრუნებების მაჩვენებლის გამოყენება და მათი თქვენს მიმდინარე გეგმაში ჩართვა, დაგეხმარებათ უკეთესად მართოთ პროცესი, გააკონტროლოთ პროცესი სეზონების მიხედვით.

დაბრუნების გამოყენება სტრატეგიული სარგებელისთვის

დაბრუნების ეფექტური მართვა მდგომარეობს არამარტო დანაკარგების შემცირებაში, არამედ თქვენი ბიზნეს-მოდელის ზოგად გაუმჯობესებაში. 

ამისათვის კი უნდა გააკეთოთ შემდეგი:

ბრენდისადმი დამოკიდებულების გაუმჯობესება: დაბრუნების უნაკლო პროცესი ზრდის ბრენდისადმი ლოიალურობას და განმეორებითი ყიდვის ალბათობას მომხმარებლების მხრიდან.

მარაგების ოპტიმიზაცია: გამოიყენეთ დაბრუნება მარაგების გადასანაწილებლად გაყიდვების იმ არხებსა და ბაზრებზე, სადაც თქვენი ბრენდია წარმოდგენილი და იცოდეთ, რომ საწირო პროდუქტი იქნება საწირო ადგილას და საჭირო რაოდენობით. 

შედით მეორად ბაზრებზე: არსებობს უამრავი პლატფორმა, სადაც ხდება გადაყიდვები. ეს დაგეხმარებათ დანაკარგების შემცირებასა და საქონლის გასაღებაში.

დაბრუნება არ უნდა გახდეს დანაკარგი თქვენი ბიზნესისთვის - ეს უნდა იყოს სტრატეგიული უპირატესობა. პროცესისი მთავარი მიზეზების გამოვლენა და გაანალიზება, დაგეხმარებათ სწორი გადაწყვეტილებების მიღებაში და პრობლემის შესაძლებლობად ქცევაში. ამით შეამცირებთ ხარჯებს, მოახდენს პროცესის ოპტიმიზაციას, არ აზარალებთ ბიზნეს და ყველაფერთან ერთად, სწორად დაგეგმილი სტრატეგიით, მიიღებთ მომხმარებლების ლოიალურობის და განმეორებითი შესყიდვების ალბათობის ზრდას.