რა არის სოციალური eCommerce-ი?

სოციალური კომერცია — ეს არის სოციალური ქსელების ჯგუფების გამოყენება ელექტრონულ კომერციაში გაყიდვების გასაზრდელად და ის უდიდეს ბაზარს წარმოადგენს: 2027 წლისთვის კეთდება პროგნოზი, რომ სოციალური კომერციის შემოსავალი გაყიდვებიდან მიაღწევს $604 მლრდ-ს.

ისეთ აპლიკაციებს, როგორიცაა Facebook, Instagram და Pinterest-ი გააჩნიათ სპეციალური ინდიკატორები რეკლამაში, ასევე, სპეციალური ტრანსლაციები, რომლებიც გავლენიან პიროვნებებს მიჰყავთ, რაც იწვევს ელექტრონული კომერციის პროდუქტის რეგულარულ გაყიდვას.

სოციალური კომერცია გახდა ფაქტორი, რომელმაც შეცვალა მცირე ბრენდების თამაშის წესები, რითაც მათ გადავსებულ ბაზარზე კონკურენციის მარტივად გაწევის შესაძლებლობა მისცა. თუმცა, ახლა უკვე მსხვილი ბრენდები ცდილობენ ამ მიმართულების აქტიურად გამოყენებას. 

მომხმარებლების გამოხმაურების გავლენაც სოციალური მედიის რევოლუციის შედეგად გაჩნდა

უახლესი კვლევებით ვლინდება, რომ მომხმარებელთა თითქმის 86% ჯერ პროდუქტების განხილვებს და შეფასებებს ნახულობს, როგორც მნიშვნელოვან ასპექტს არჩევანის გაკეთების პროცესში, და შემდეგ იღებს გადაწყვეტილებას შენაძენის გაკეთებაზე. სოციალური ქსელები წარმოადგენენ უდიდეს პლატფორმას ასეთი ინფორმაციის გაცვლისთვის, და რომლებიც, მარკეტოლოგებს უხსნიან არენად სოციალური მტკიცებულებებისთვის.

თავისი არსით, სოციალური მტკიცებულება - ეს არის წარმოდგენა იმაზე, რომ ადამიანები სხვების ქმედებებს იმეორებენ. პროდუქტის ან მომსახურების შეძენისას, ეს ძალიან ფასეული ინსტრუმენტია, რომელსაც მომხმარებლები იყენებენ ნაკლები ძიებისა და მეტი ინფორმაციის მისაღებად. 

იმის და მიუხედავად, პატარა სტარტაპს წარმოადგენთ, თუ დიდი ბრენდი ხართ, სოციალური ქსელები მაინც მთავარი ნაწილია გაყიდვების სტრატგიისთვის - როგორც სოც-ქსელებში მარკეტინგით, ისე თავად სოციალური კომერციით. ყოველწლიურად, სულ უფრო მეტი მომხმარებელი იჩენს ინტერესს ამ პლატფორმების გამოყენების მიმართ არამარტო როგორც კვლევის მეთოდის, არამედ როგორც ტრანზაქციების განხორციელების და შენაძენის გაკეთების საშუალების მიმართ, რისი სურვილიც უჩნდებათ ტელეფონის ეკრანით სხვადასხვა შეთავაზებების, მეგობრების მიერ გაზიარებული ინფორმაციით ან რომელიმე ცნობადი სახის რეკომენდაციის ნახვით.

რა განსხვავება სოციალურ მედია-მარკეტინგსა და სოციალურ კომერციას შორის?

სოციალურ ქსელებში მარკეტინგი, ბრენდების მიერ გამოიყენება მათ ვებ-გვერდზე ტრაფიკის მოსაზიდად. ბრენდები განათავსებენ რეკლამას, რომელიც მოახდენს მათი პროდუქტის დემონსტრირებას ჩაუშვებენ CTA-ს (მოწოდება მოქმედებისკენ ), რათა მომხმარებლები გადავიდნენ ვებ-გვერდზე.

სოციალური კომერცია მომხმარებლებს საშუალებას აძლევს შეიძინონ პროდუქტი და მომსახურება პირდაპირ ბრენდისგან, სოციალური კომერციის პლატფორმიდან. ეს შეიძლება განხორციელდეს ბრენდის მიერ სოციალურ ქსელში განთავსებულ ფასიან განცხადებაზე ან CTA-ზე დაკლიკვით (მაგ: “მაღაზიაში გადასვლა”).

სოციალური კომერციის გამოყენებით, ონლაინ-შესყიდვების მთელი პროცესი შეიძლება წარიმართოს უწყვეტად, რამოდენიმე კლიკით და გადახდის ავტომატური შევსების ფორმით, იმ სოციალური ქსელის პლატფორმაზე, რომელზეც ბრენდი იმყოფება, რაც თავის მხრივ ხელს უწყობს შეკვეთის ბოლომდე მიყვანას და ამცირებს მიტოვებული კალათის და შეწყვეტილი შოპინგის რაოდენობას. 

გლობალური კოვიდ - 19 პანდემიის გამო, 2020 წლიდან, ციფრული სამყარო კიდევ უფრო სწრაფად ვითარდება, ვიდრე ეს მოსალოდნელი იყო. მომხმარებლების ქცევისა და მოლოდინების მკვეთრმა ცვლილებამ დააჩქარა ონლაინ-ვაჭრობის სფერო და ბაზრის ექსპერტები ხშირად ამბობენ, რომ ამის შედეგად, ელექტრონული კომერციის სამყარომ 5 წლიანი ზრდის ტემპი აჩვენა 5 თვეში.

ბევრგან, რითეილერებს მოუწიათ ფიზიკური მაღაზიების დახურვა ან/და გაყიდვების მოცულობის შემცირება, რადგან პრიორიტეტი გახდა ფულადი სახსრების შენარჩუნება და ზედნადები ხარჯების დაზოგვა, ასევე, უფრო მეტი ავტომატიზაცია და გაციფვრა, რათა ბიზნესი მოეყვანათ სწრაფად ცვალებად გარემოსთან შესაბამისობაში.

პარალელურად, იგივე შეიმჩნევა მომხმარებლების ქცევაშიც: ადამიანები სულ უფრო მეტად ირჩევენ სახლში დარჩენას და შენაძენის ინტერნეტით გაკეთებას. სულ უფრო მეტი მომხმარებელი ადაპტირდება მისთვის ხელმისაწვდომ ონლაინ-ვაჭრობის მეთოდებსა და არხებთან, რასაც მანამდე ყურადღებას არ აქცევდნენ.

თუმცა, აქვე უნდა აღინიშნოს, რომ შედარებით სტაციონარული მაღაზიები, ყოველთვის შეასრულებენ თავის როლს რითეილში. შეიძლება შეიცვალოს მათი მიდგომა მომხმარებლის მომსახურების მხრივ და ის როლიც, რომელსაც ისინი ადამიანების ყოველდღიურ ცხოვრებაში ასრულებენ. 

იმის და მიუხედავად, მსხვილი ბრენდი გაქვთ თუ მცირე ზომის სტარტაპი, ფაქტია - სოციალური ქსელები და სოციალური კომერცია წარმოადგენს ძალიან ძლიერ ინსტრუმენტს და ონლაინ-ჯგუფების შექმნა ხელს უწყობს ბიზნესს აუდიტორიის ფართოდ დაფარვასა და მისი პროდუქტის შესახებ ინფორმაციის მთელი მსოფლიოს მასშტაბით გავრცელებაში, რადგან დღითიდღე, სულ უფრო მეტი ადამიანი ერთვება სოც-მედია სივრცეში. 

რა მოხდება სამომავლოდ სოციალურ კომერციაში?

იქედან გამომდინარე, თუ რამდენად სწრაფად იცვლება მომხმარებელთა მოთხოვნები და მოლოდინები ელექტრონულ და სოციალური კომერციაში, ასვე სწრაფად ცვალებადი და განვითარებადი იქნება თავად სფეროებიც, რაც ბრენდებს საშუალებას მისცემთ კიდევ უფრო მეტი გაიგონ მათ პოტენციურ აუდიტორიაზე.

ქვემოთ ჩამოთვლილია რამოდენიმე საკითხი, რომლებსაც ონლაინ-ვაჭრობით დაინტერესებულმა ბიზნესებმა ყურადღება უნდა მიაქციონ და გააანალიზონ:

• ბრენდებს აუცილებლად დასჭირდებათ გამჭოლი კომერციის სტრატეგიების შემუშავება, რომლითაც მეტ მხარდაჭერას აღმოუჩენენ მომხმარებლებს შოპინგის სასიცოცხლო ციკლის ყველა ეტაპზე და უზრუნველყოფენ ამ მხარდაჭერის რელევანტურობას პროდუქტის ნახვიდან პოსტგაყიდვის პერიოდის ჩათვლით.

• ბრენდის მიერ მონაცემების გამოყენება ყველა ციფრულ შეხების წერტილში, გააუმჯობესებს ურთიერთქმედებას მომხმარებლებთან.

• პერსონალიზაცია საშუალებას მისცემს ბრენდებს წარადგინონ ისეთი პროდუქტი და მომსახურება, რომელიც მომხმარებლის უფრო მეტ ინტერესს გამოიწვევს საჭირო დროსა და ადგილზე, ყოველგვარი გაღიზიანების ან მათი სოციალური ან ლოკალური გამოცდილების დარღვევის გარეშე.

• კიდევ უფრო მეტად რელევანტური სამომხმარებლო გამოცდილების უზრუნველყოფით, ბრენდები შეძლებენ მარკეტინგული ხარჯების მეტად ოპტიმიზირებას როგორც ფასიანი, ისე ორგანული აქტივობის გამოყენებით. ეს კი, თავის მხრივ, საუკეთესო საშუალება იქნება არსებული ფინანსური რესურსების შენარჩუნებისა და ზედნადები ხარჯების დაზოგვისათვის.
  

ონლაინ და სოციალურ კომერციაში წარმატების მთავარი ელემენტია გაყიდვაში მხოლოდ იმ პროდუქტის ჩაშვება, რომელიც მარაგშია და ხელმისაწვდომია კონკრეტულ ლოკაციაზე. ასევე, ბრენდები სულ უფრო მეტად უნდა კონცენტრირდნენ მათ ხელთ არსებული მონაცემების დამუშავებაზე და უფრო რელევანტური კონტენტის შექმნაზე, რომელიც დაეხმარებათ არსებული მომხმარებლების შენარჩუნებასა და ახალის მოზიდვაში საჭირო დროს და ადგილზე, საჭირო პროდუქტის შეთავაზებით.