Ecommerce Marketing Manager

დრესაპ ჯგუფი“ 32 წელია მოღვაწეობს საქართველოს ბაზარზე და ექსკლუზიურად წარმოადგენს ტანსაცმლისა და ფეხსაცმლის მსოფლიოში აღიარებულ ბრენდებს: Levi’s, Lacoste, CK, Tommy Hilfiger, Tommy Jeans, Gant, Samsonite, Guess, Lee, Wrangler, Jack & Jones, Mavi, Etam, Converse, Vans, Adidas და სხვა.

კომპანია წარმოდგენილია 90-ზე მეტი მაღაზიით თბილისში, რუსთავში, ბათუმსა და ზუგდიდში. ასევე, ონლაინ მაღაზიით - Dressup.ge.

Dressup.ge - მოდის სფეროში საქართველოში წამყვანი ელექტრონული კომერციის პლატფორმაა, რომელიც აერთიანებს ტანსაცმლისა და ფეხსაცმლის მსოფლიოში აღიარებულ ბრენდებს - ეძებს ელ. კომერციის მარკეტერს, რომელიც პასუხისმგებელი იქნება სახლის, ბავშვისა და თავის მოვლის კატეგორიების განვითარებაზე, ცნობადობის ზრდასა და გაყიდვების მხარდაჭერაზე. პოზიცია აერთიანებს კატეგორიების მარკეტინგულ მართვასა და პრომო აქტივობების სრულ ციკლს - კომერციული გუნდისგან აქციის მიღებიდან, ბრიფინგისა და შიდა გუნდებთან კოორდინაციიდან საბოლოო გაშვებამდე.

✨ რატომ Dressup?

ჩვენთვის მნიშვნელოვანია, რომ სამსახურში თავს დაფასებულად და კომფორტულად გრძნობდე, ამიტომ გთავაზობთ:

• კორპორატიულ ფასდაკლებას Dressup-ის მაღაზიებში;

• საიუბილეო და საქორწინო შვებულებას;

• საჩუქარს შვილის დაბადების შემთხვევაში;

• კარიერული განვითარებისა და დაწინაურების რეალურ შესაძლებლობას;

• ჯანმრთელობის დაზღვევას;

• FitPass-ის მომსახურებაზე განსაკუთრებულ პირობებს;

• იდეების წახალისებას/მხარდაჭერას.

გთავაზობთ შემდეგ სამუშაო ფორმატს:

• სამუშაო გრაფიკი -კვირაში 40 სთ;

• სამუშაო ადგილი - სათავო ოფისი, დ. გამრეკელის ქ. #19.

ამ პოზიციაზე შენი მოვალეობები იქნება:

• გაყიდვების, სეზონურობისა და ტენდენციების ანალიზის საფუძველზე საკუთარი კატეგორიების ზრდის შესაძლებლობების იდენტიფიცირება;

• კატეგორიებისთვის მარკეტინგული სტრატეგიის, მიზნების, საკომუნიკაციო არხებისა და მთავარი გზავნილების განსაზღვრა;

• კამპანიების დაგეგმვა, აღსრულება და კოორდინაცია;

• გაყიდვების დინამიკისა და მარკეტინგული შედეგების მონიტორინგი, აქტივობების ეფექტიანობის შეფასება და ყოველთვიური რეპორტინგი;

• პრომო აქტივობების კალენდრის მართვა და ყოველთვიური SMM და Web კალენდრების ფორმირებაში მონაწილეობა;

• საერთაშორისო პარტნიორი ბრენდებიდან საჭირო მასალების მოძიება და ადაპტაცია;

• ინფლუენსერებთან, დიზაინერებთან და სხვა პარტნიორებთან ერთობლივი პროექტების ორგანიზება;

• საკუთარ კატეგორიებზე აქციების პროცესის სრული მართვა კომერციული გუნდისგან ინფორმაციის მიღებიდან საბოლოო გაშვებამდე: საკომუნიკაციო არხების განსაზღვრა, დიზაინის, კონტენტისა და Digital გუნდებისთვის დეტალური ბრიფების მომზადება, სამუშაო პროცესის კოორდინაცია და საბოლოო მასალების ხარისხის კონტროლი;

• Dressup.ge-ის სამუშაო პროცესებიდან გამომდინარე სხვა საჭირო დავალებების შესრულება კომპეტენციის ფარგლებში.

შენგან კი დაგვჭირდება:

• მინიმუმ 2 წლიანი გამოცდილება მარკეტინგის, ციფრული მარკეტინგის, SMM-ის ან მსგავსი მიმართულებით;

• გაყიდვებისა და მარკეტინგული მონაცემების ანალიზის, ტენდენციებისა და ახალი შესაძლებლობების იდენტიფიცირების უნარი;

• მომხმარებლის საჭიროებებისა და ბიზნესის მიზნების შესაბამის მარკეტინგულ აქტივობებად გარდაქმნის უნარი;

• ესთეტიკური ხედვა და ვიზუალური თუ კონტენტ-ტრენდების აღქმის უნარი;

• ინგლისური ენის მაღალ დონეზე ფლობა (სასურველია B2 დონე);

• სხვადასხვა გუნდთან და გარე პარტნიორებთან ეფექტური თანამშრომლობის, რამდენიმე პარალელური პროცესის მართვისა და დავალებების ბოლომდე მიყვანის უნარი.

კანდიდატთა შერჩევა

გთხოვთ, დაინტერესების შემთხვევაში თქვენი CV/რეზიუმე ატვირთეთ 2026 წლის 22 ოქტომბრის ჩათვლით.

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!

Link