Doing Digital Forum 2026 – პლატფორმა რეგიონული ციფრული ზრდისთვის
- 14 hours ago
- 1 min read
Doing Digital Forum 2026 გაიმართება ერევანში, 8 აპრილს და გააერთიანებს მნიშვნელოვან მოთამაშეებს, რომლებიც განსაზღვრავენ ციფრული ეკონომიკის მომავალს. 2023 წლის შემდეგ, ფორუმი გაიზარდა ერთ-ერთ ყველაზე დიდ საერთაშორისო პლატფორმად სომხეთში, რომელიც ფოკუსირებულია ციფრული ეკონომიკის, ფინტექისა და პლატფორმული ტრანსფორმაციის მიმართულებაზე. ყოველწლიურად ფორუმი აერთიანებს 1,000+ მონაწილეს, მათ შორის მინისტრებს, რეგულატორებს, ცენტრალურ ბანკირებს, წამყვანი ბანკების CEO-ებს, ფინტექის დამფუძნებლებს, დიდ კორპორაციებს და ტექნოლოგიური მიმწოდებლებს.
წლების განმავლობაში ფორუმმა უმასპინძლა მსოფლიოში აღიარებულ სპიკერებს, როგორებიც არიან Brett King, Chris Skinner, Henri Arslanian, და Gerd Leonhard, ასევე თანამშრომლობდა წამყვან საერთაშორისო ორგანიზაციებთან, მათ შორის Amazon, Visa, McKinsey & Company, Deloitte, და რეგიონულ საფინანსო ინსტიტუტებთან. ეს ყველაფერი ფორუმს მუდმივად აძლევს ძალას, როგორც რეგიონულ პლატფორმას, რომელიც აკავშირებს გლობალურ გამოცდილებას ადგილობრივ გადაწყვეტილების მიმღებებთან.
DDF2026-ის თემაა “Bridging Platforms & Economies”, რომელიც ყურადღებას ამახვილებს იმაზე, თუ როგორ ცვლის რეგიონალურ კომერციას და უწყობს ხელს საზღვრისპირა ზრდას მეზობელ ბაზრებში ციფრული პლატფორმები, მარკეტფლეისები, გადახდები, ხელოვნური ინტელექტი და თანამედროვე ფინანსური ინფრასტრუქტურა .
აღნიშნული ფორუმი განსაკუთრებულად მნიშვნელოვანია იქომერს ასოციაცია საქართველოს წევრებისთვის, რადგან ქმნის შესაძლებლობას თანამშრომლობისთვის და ჩართულობისთვის. პლატფორმა განსაკუთრებით ღირებულია კომპანიებისთვის, რომლებიც დაკავებული არიან ელექტრონული კომერციით, ფინტექით, ციფრული გადახდებით, პლატფორმული სერვისებით, საცალო ვაჭრობით და ტექნოლოგიური გადაწყვეტილებებით, რომლებიც უჭერენ მხარს ციფრულ კომერციას. ფორუმს ასევე დაესწრება იქომერს ასოციაცია საქართველოს თავმჯდომარე და თანადამფუძნებელი - ლადო კანდელაკი.
კომპანიებს, რომლებიც გეგმავენ სომხეთის ბაზარზე შესვლას ან წარმომადგენლობის გაძლიერებას, DDF20266 8 აპრილს სთავაზობს უნიკალურ შესაძლებლობას დაუკავშირდნენ მთავარ გადაწყვეტილების მიმღებ პირებს, საფინანსო ინსტიტუტებს, რეგულატორებსა და პოტენციურ პარტნიორებს ერთ გარემოში. ფორუმი ასევე უზრუნველყოფს სივრცეს დიალოგისთვის საერთაშორისო ელექტრონული კომერციის, გადახდების და ფართო რეგიონული თანამშრომლობის შესახებ.
რეგიონის ციფრული ეკონომიკის განვითარების ფონზე, DDF2026-ის მსგავსი პლატფორმებში მონაწილეობის მიღება მნიშვნელოვანია პარტნიორობების ჩამოყალიბებაში, ცოდნის გაზიარებასა თუ ზრდის ახალი შესაძლებლობებისათვის.
