E-Logi Fest 2026 🇦🇲​

გაცნობებთ, რომ 2026 წლის 17–19 ივლისს,  ერევანში (სომხეთი) გაიმართება საერთაშორისო გამოფენა და სამიტი eLogiFest 2026, რომელიც ლოგისტიკის, ელექტრონული კომერციის, ტრანსსასაზღვრო ვაჭრობის, საფოსტო სერვისებისა და ციფრული ტექნოლოგიების სფეროს ერთ-ერთი უმსხვილესი რეგიონული პლატფორმაა.

სომხეთსა და საქართველოს შორის მზარდი ეკონომიკური თანამშრომლობის ფონზე, ღონისძიება მნიშვნელოვან შესაძლებლობას სთავაზობს ქართულ კომპანიებს ახალი პარტნიორების მოძიების, რეგიონულ ბაზრებზე გასვლისა და საკუთარი პროდუქციისა და სერვისების საერთაშორისო აუდიტორიისთვის წარდგენის მიზნით. 

12,000-ზე მეტი ვიზიტორის მონაწილეობის, eLogiFest 2026 გააერთიანებს ადგილობრივ და საერთაშორისო კომპანიებს, სახელმწიფო უწყებებსა და ინდუსტრიის ლიდერებს, მათ შორის ეროვნული საფოსტო ოპერატორების, საკურიერო კომპანიების, ელექტრონული კომერციის პლატფორმების, მარკეტპლეისების, ფულფილმენტ ცენტრების, ლოგისტიკური და სასაწყობე კომპანიების, ტექნოლოგიური ბიზნესების, იმპორტიორებისა და ექსპორტიორების წარმომადგენლებს.

მონაწილეობის ორი ფორმატის შეთავაზება იქომერს ასოციაცია-საქართველოს წევრებისათვის: 

1. ვიზიტორის სტატუსით მონაწილეობა (უფასოდ)

მონაწილეები შეძლებენ დაესწრონ გამოფენასა და სამიტს,  გაეცნონ სექტორის უახლეს ტენდენციებსა და შესაძლებლობებს.

2. Exhibitor-ის სტატუსით მონაწილეობა  საქართველოს ეროვნულ პავილიონში (2,100 აშშ დოლარი)

საქართველოს ეროვნული პავილიონი განთავსებული იქნება გამოფენის ცენტრალურ სივრცეში, რაც კომპანიებს უზრუნველყოფს მაღალი ხილვადობითა და პროფესიულ აუდიტორიასთან პირდაპირი კომუნიკაციის შესაძლებლობით. ღირებულება მოიცავს:

• სრულად მოწყობილ საგამოფენო სივრცეს ეროვნულ პავილიონში;

• ინდივიდუალურ საინფორმაციო დახლს კომპანიის ბრენდინგით;

• მონაწილეობას სპეციალურ დახურულ მრგვალ მაგიდაში (Round Table) ინდუსტრიის ლიდერებთან, სახელმწიფო უწყებებისა და საერთაშორისო ორგანიზაციების წარმომადგენლებთან;

• სრულ წვდომას eLogiFest 2026-ის სამიტის ყველა სესიაზე, პანელურ დისკუსიასა და სამუშაო შეხვედრებზე;

• B2B შეხვედრების ორგანიზებისა და პარტნიორების მოძიების მხარდაჭერას;

• კომპანიის პოპულარიზაციას eLogiFest-ის ვებგვერდზე, ოფიციალურ სოციალურ მედიასა და სხვა საკომუნიკაციო არხებში;

• პარტნიორ სასტუმროებში სპეციალურ ფასდაკლებებს დელეგატებისთვის.

რეგისტრაციის ბოლო ვადაა 2026 წლის 1 ივლისი: რეგისტრაციის ფორმა [Link] 

დამატებითი ინფორმაცია იხილეთ ბმულზე.