„იქომერს ასოციაცია-საქართველო“ წევრ კომპანია "Glovo"-ს შეხვდა
„იქომერს ასოციაცია-საქართველო“ პერიოდულად მართავს შეხვედრებს ასოციაციის წევრ კომპანიებთან, რათა ერთად განიხილონ ელექტრონული კომერციის სექტორში არსებული გამოწვევები, მიღწევები, ტექნოლოგიური სიახლეები და ინდუსტრიის განვითარების მნიშვნელოვანი საკითხები.
ამ ფორმატში, ასოციაციის მორიგი სამუშაო შეხვედრა Glovo-სთან გაიმართა. შეხვედრამ პროდუქტიულად ჩაიარა და მხარეებმა საქართველოში ელექტრონული კომერციისა და ციფრული სერვისების განვითარების მიმართულებით არსებულ შესაძლებლობებსა და გამოწვევებზე ისაუბრეს.
განსაკუთრებული ყურადღება დაეთმო მჭიდრო თანამშრომლობის გაძლიერებას, სექტორში არსებული საერთო საკითხების იდენტიფიცირებასა და იმ მიმართულებებს, სადაც კერძო სექტორისა და ინდუსტრიული ასოციაციის თანამშრომლობა დამატებით ღირებულებას შექმნის.
Glovo - ტექნოლოგიური პლატფორმა გლობალური მასშტაბით
Glovo არის Delivery Hero Group-ის ნაწილი - მსოფლიოში ერთ-ერთი წამყვანი ლოკალური მიწოდების პლატფორმა. კომპანიის მისიაა შექმნას ქალაქში უდიდესი მარკეტპლეისი და მომხმარებლებს წუთებში მისცეს წვდომა ყველაფერზე.
Glovo მსოფლიოს 22 ქვეყანაში ოპერირებს ცენტრალური და აღმოსავლეთ ევროპის, აფრიკის, კავკასიისა და შუა აზიის რეგიონებში. კომპანიის სათავო ოფისი ბარსელონაში, ესპანეთში მდებარეობს. მისი მშობელი კომპანია, Delivery Hero კი, 2017 წლიდან არის წარმოდგენილი ფრანკფურტის საფონდო ბირჟაზე და შედის MDAX საფონდო ინდექსში.
საქართველოში Glovo ერთ-ერთ მნიშვნელოვან ციფრულ პლატფორმად ჩამოყალიბდა და ადგილობრივი ბაზრის განვითარებაში აქტიურად მონაწილეობს. კომპანიის საქმიანობა მოიცავს არა მხოლოდ საკვების, არამედ სხვადასხვა კატეგორიის პროდუქციისა და მომსახურების მომხმარებლებისთვის მიწოდებას, რაც ციფრული კომერციის ეკოსისტემის გაფართოებას უწყობს ხელს.
თანამშრომლობა ელექტრონული კომერციის განვითარებისთვის
შეხვედრაზე ასევე გამოიკვეთა თანამშრომლობის ახალი შესაძლებლობები და ის მიმართულებები, სადაც ერთობლივი მუშაობა ხელს შეუწყობს ელექტრონული კომერციის სექტორის განვითარებას.
„იქომერს ასოციაცია-საქართველო"-სთვის წევრ კომპანიებთან რეგულარული კომუნიკაცია მნიშვნელოვანია, რათა სექტორის მონაწილეების პრაქტიკული გამოცდილება, საჭიროებები და გამოწვევები ერთიან სამუშაო დღის წესრიგში იყოს წარმოდგენილი.
ასოციაცია მუდმივად ზრუნავს საქართველოში ელექტრონული კომერციის ეკოსისტემის განვითარებაზე, ინდუსტრიის მონაწილეებს შორის თანამშრომლობის გაძლიერებასა და ისეთი გარემოს შექმნაზე, რომელიც ხელს შეუწყობს ტექნოლოგიური ინოვაციების, ახალი ბიზნესმოდელებისა და ციფრული ვაჭრობის განვითარებას.
