top of page

ადგილობრივი იქომერსისთვის "ნდობის" ნიშანი

იქომერს ასოციაცია - საქართველო, USAID-ის ეკონომიკური მმართველობის პროგრამის ფინანსური მხარდაჭერით, ახორციელებს პროექტს მომხმარებლის ნდობის ასამაღლებლად ადგილობრივი ონლაინ ვაჭრობისადმი. პროექტის ხანგრძლივობა 9 თვეა და დასრულდება 2023 წლის ნოემბერში.



women discussing the project

პროექტის მიზანია ონლაინ ვაჭრობის ხელშეწყობა ადგილობრივი ელექტრონული კომერციის პლატფორმების/მოვაჭრეებისადმი მომხმარებლის ნდობის ამაღლების გზით. ამისათვის, პროექტი ითვალისწინებს ელექტრონულ კომერციაში ჩართული მოვაჭრეებისა და ბიზნესებისათვის ეთიკის კოდექსის შემუშავებას და კონკრეტულ კრიტერიუმებზე დაყრდნობით, სანდოობის ხარისხის/ნიშნის მინიჭებას.


პროექტის შედეგად, მომხმარებელს შეეძლება მარტივად დააიდენტიფიციროს ბიზნესები, რომელთაც სათანადო ხარისხის სტანდარტი აქვთ დანერგილი კომპანიაში და კანონმდებლობის მინიმალურ მოთხოვნებს აკმაყოფილებენ.


პროექტი სამ ფაზად ხორციელდება:


I ფაზა - რაოდენობრივი კვლევის ჩატარება ადგილობრივი ელ.კომერციისადმი მომხმარებლის ნდობის მაჩვენებლის გასაზომად; საკანონმდებლო ჩარჩოს კვლევა-ანალიზი; ეთიკის კოდექსის შემუშავება ელ.კომერციის ბიზნესების თანამონაწილეობით.

II ფაზა - ეთიკის კოდექსზე დაყრდნობით ოპერაციული და მმართველობითი მოდელის ჩამოყალიბება.


III ფაზა - ხარისხის ნიშნის შესახებ ცნობიერების ასამაღლებელი კამპანიის წარმოება.

bottom of page