როგორ აძლიერებს მარკეტინგის ეფექტს მომხმარებლისთვის გაწეული კარგი სერვისი

მომხმარებლის მომსახურების გუნდი ყოველთვის წინა ხაზზე იმყოფება და ყოველდღიურად ურთიერთობს არსებულ და პოტენციურ მყიდველებთან. ამ სიახლოვის დახმარებით, გუნდი აგროვებს ფასეულ ინფორმაციას, რომელსაც შეუძლია მარკეტინგული კამპანიის სედეგების გაუმჯობესებაში დახმარება.

ქვემოთ უფრო დეტალურად ვისაუბრებთ, როგორ აძლიერებს მარკეტინგის ეფექტს მომხმარებლისთვის გაწეული კარგი სერვისი  

1. მომხმარებლის მომსახურების გუნდის თანამშრომლები კომპანიისთვის აგროვებენ ყველაზე მნიშვნელოვან - მათი ქცევის შესახებ ინფორმაციას.

თუმცა, ხშირად, ის თუ როგორ ხედავთ საკუთარ ბრენდს, განსხვავდება მომხმარებლების ხედვისგან.

მაგალითად, კომპანია, რომელიც აწარმოებს სპორტულ ტანსაცმელს, შეიძლება პოზიციონირებდეს ჯანმრთელობასა და ფიტნესზე, მაგრამ მომხმრებლები მათ პროდუქციას ყიდულობდნენ კომფორტის ან სტილის გამო. იმისათვის, რომ მოახდინოთ საკუთარი გზავნილის და პროდუქტის ადაპტირება, უნდა გესმოდეთ ეს წვრილმანები, რომელთა შესახებ ინფორმაციის მიღების საუკეთესო საშუალებაა - ესაუბროთ მომხმარებლის მომსახურების და მხარდაჭერის გუნდს. ისინი ყოველ დღეს ეკონტაქტებიან მომხმარებლებს და არკვევენ რა მუშაობს და რა არა, ასევე, რა მიზეზით ბრუნდებიან მომხმარებლები განმეორებითი შენაძენისთვის. ეს საუბრები შეგიძლიათ გარდაქმნათ სასარგებლო მონაცემებად, თუ გუნდის წევრებს სათანადო ინსტრუმენტებს მისცემთ და კვალიფიკაციას აუმაღლებთ.

კომპანიები გაცილებით მეტ სარგებელს იღებენ, ვიდრე მხოლოდ კმაყოფილი მომხმარებელია, როცა ინვესტიციას დებენ სამომხმარებლო გზის შესწავლა-გაუმჯობესებაში. კვლევები აჩვენებს, რომ კომპანიების 73%, რომლებიც მომხმარებლებს სთავაზობენ საშუალოზე მაღალი ხარისხის მოსახურებას, აღწევენ გაცილებით მაღალ შედეგებს, ვიდრე მათი კონკურენტები.

ეს იმიტომ, რომ არსებობს მკაფიო კავშირი კმაყოფილ მომხმარებელსა და ბიზნესის გრძელვადიან წარმატებას შორის - ეს არ არის უბრალოდ სიტყვები, ეს სტრატეგია მუშაობს.

2. მომხმარებლის პროაქტიური მომსახურება ზრდის მარკეტინგის შესაძლებლობებს.

ბიზნეში მიღებულია მიდგომა, როცა მომხმარებლის მომსახურება ხდება როგორც სამუშაოს შესრულება, რომელიც ეფუძნება პრობლემების წარმოქმნისას საჭირო ქმედებების განხორციელებას. მაგრამ, უფრო პროაქტიული მეთოდის გამოყენებას, გაცილებით მეტი უპირატესობა აქვს.

კომპანიები, რომლებიც უკავსირდებიან მომხმარებლებს პრობლემების წარმოშობამდე, აჩვენებენ, რომ სურთ მათი სამომხმარებლო გამოცდილების გაუმჯობესება. ეს ადამიანებს არამარტო აბედნიერებთ, არამედ ხელს უწყობს ბიზნესის სტაბილურ განვითარებას.

პროექტიური მომსახურება საშუალებას გაძლევთ მომხმარებლებს წარუდგინოთ უახლესი პროდუქტები, ფუნქციები ან გადაწყვეტები, რომლებიც მათ სჭირდებათ. სერვისის გუნდს შეუძლია დაუკავშირდეს რომელიმე მომხმარებელს, რომელსაც ადრე პრობლემა ჰქონდა, რათა აცნობოს ახალი ფუნქციების შესახებ, რომლებიც ამ პრობლემას მოუგვარებს. ეს კონტაქტს ხდის პრივატულს და აქტუალურს.

მომხმარებლების 60% აცხადებს, რომ კომპანიის წარმომადგენელთა მხრიდან სწრაფი რეაგირება და დახმარება, მათთვის მთავარი ფაქტორია, რომელიც უბიძგებთ განმეორებითი შესყიდვისკენ. გარდა ამისა, პროაქტიური მომსახურება ხელს უწყობს პოტენციური მყიდველების ადრეულ ეტაპზე მოზიდვას, უკმაყოფილების შემცირებას და ხარისხიანი სერვისით გაყიდვების გაზრდას.

3. მომხმარებლების პერსონალიზებული მომსახურება, აუმჯობესებს ონლაინ-კონვერსიის კოეფიციენტს

თქვენი ბიზნესისი ონლაინ-კონვერსიის კოეფიციენტი შეიძლება 8%-ით გაუმჯობესდეს, თუ გაააქტიურებთ პერსონალიზებულ სამომხმარებლო გამოცდილებას. თავის მხრივ, გაზრდილი კოეფიციენტი ზრდის შემოსავალს და მოგებას. მომხმარებლების ხარისხიანი მომსახურება  ყოველთვის პოზიტიურ გავლენას ახდენს ბიზნესის არმარტო ცალკეული მიმართულებების, არამედ მთლიანობაში მის მდგრად განვითარებას.

პერსონალიზირებული მომსახურება გამორჩეულად საჭიროა იმისათვის, რომ შესაძლებელი გახდეს არსებული მომხმარებლების შენარჩუნება და პოტენციური მყიდველების მოზიდვა. მყიდველების 62% თვლის, რომ კომპანიებს შეუძლიათ უფრო მეტის გაკეთება პერსონალიზაციის კუთხით, ამიტომ, ისინი ელიან გაუმჯობესებებს ამ მიმართულებით.

კვლევებით დასტურდება, რომ მომხმარებლების ხარისხიანი მომსახურება — ეს არის მოლოდინის გამართლება. ხარისხიანი სერვისით, ბიზნესს შეუძლია შეამციროს მომხმარებლების გადინება და გააძლიეროს ბრენდის რეპუტაცია და იმიჯი.