როგორ დაეხმარა HT Solutions-ი Hashbank-ს Kubernetes-ის უსაფრთხოების გაძლიერებაში Tigera-სთან ერთად?

სწრაფი ზრდისა და ათიათასობით მომხმარებლის მოზიდვის შემდეგ, Hashbank-ს დასჭირდა უსაფრთხო და მასშტაბირებადი ინფრასტრუქტურა, რომელიც სწრაფ დეველოპმენტსა და მზარდ დატვირთვას გაუმკლავდებოდა.

ბანკი მონოლითური არქიტექტურიდან Kubernetes-ზე დაფუძნებულ მიკროსერვისებზე გადავიდა. ამან გაზარდა მოქნილობა, თუმცა ასობით მიკროსერვისს შორის კომუნიკაციის მართვისა და უსაფრთხოების ახალი გამოწვევები წარმოშვა. ფინტექ გარემოში Hashbank-ს სჭირდებოდა ქსელის სრული ხილვადობა და მკაცრი Zero-Trust არქიტექტურა ისე, რომ დეველოპმენტი და კრიტიკული სერვისების მუშაობა არ შეფერხებულიყო.

უსაფრთხო და მართვადი Kubernetes ინფრასტრუქტურა HT Solutions-მა, Tigera-სთან თანამშრომლობით, Hashbank-ის Kubernetes-ის საწარმოო გარემოში Calico Enterprise დანერგა. გადაწყვეტამ უზრუნველყო „ნაგულისხმევად აკრძალვის“ (default-deny) პრინციპზე დაფუძნებული Zero-Trust მიდგომა. შედეგად, სამუშაო პროცესებს შორის კომუნიკაცია მხოლოდ პირდაპირ ავტორიზებული წვდომის შემთხვევაში გახდა შესაძლებელი.

დეტალური ქსელური პოლიტიკებით Hashbank-ს შეუძლია კომუნიკაციის მართვა სამუშაო პროცესების, აპლიკაციებისა და Namespace-ების დონეზე. მიკროსეგმენტაციამ პლატფორმის სხვადასხვა ნაწილი გამიჯნა და არასანქცირებული გვერდითი გადაადგილების რისკი შეამცირა.

Calico Enterprise-მა ტექნიკურ გუნდებს ქსელის რეალურ დროში ხილვადობაც მისცა. მათ შეუძლიათ განსაზღვრონ:

• კავშირის წყარო და დანიშნულების ადგილი;

• გამოყენებული პორტი;

• ტრაფიკი დაშვებულია თუ დაბლოკილი;

• უსაფრთხოების პოლიტიკა, რომელმაც გადაწყვეტილება მიიღო.

ეტაპობრივი პოლიტიკების საშუალებით გუნდებს ახალი წესების გავლენის შეფასება მათ ამოქმედებამდე შეუძლიათ, რაც ლეგიტიმური სერვისების შეფერხების რისკს ამცირებს.

პროექტის შედეგად, Hashbank-მა Kubernetes-ის ქსელზე სრული ხილვადობა და უკეთესი კონტროლი მიიღო. გაძლიერდა სამუშაო პროცესებისა და Namespace-ების იზოლაცია, გამარტივდა აუდიტი და დაჩქარდა ხარვეზების აღმოჩენა.

HT Solutions-ის ექსპერტიზისა და Tigera-ს ტექნოლოგიის გაერთიანებით შეიქმნა უსაფრთხო და მასშტაბირებადი Kubernetes გარემო, რომელიც Hashbank-ის შემდგომი ზრდისთვის მზადაა.