Volta - ასოციაციის ახალი წევრი
Volta ონლაინ სავაჭრო პლატფორმაა, რომელიც მომხმარებლებს სასურველი ნივთების შეძენას მოქნილი გადახდის პირობებით სთავაზობს. პლატფორმის ერთ-ერთი მთავარი უპირატესობაა 10 თვემდე შიდა განვადება, რომლის გამოყენებაც შესაძლებელია საბანკო სესხისა და საკრედიტო ლიმიტის გარეშე.
Volta-ს პლატფორმაზე წარმოდგენილია სხვადასხვა კატეგორიის პროდუქცია, მათ შორის საყოფაცხოვრებო ტექნიკა, ავეჯი, სპორტული ინვენტარი, სათამაშოები, აქსესუარები და სხვა. მრავალფეროვანი არჩევანისა და მოქნილი გადახდის პირობების შეთავაზებით, პლატფორმა მომხმარებლებს ონლაინ შესყიდვების პროცესს უმარტივებს და სასურველი პროდუქციის შეძენას უფრო ხელმისაწვდომს ხდის.
Volta-სთვის ასოციაციის წევრობა მნიშვნელოვანი შესაძლებლობაა, აქტიურად ჩაერთოს საქართველოს ელექტრონული კომერციის ეკოსისტემის განვითარებაში, გაუზიაროს გამოცდილება ინდუსტრიის სხვა წარმომადგენლებს და მონაწილეობა მიიღოს სექტორის წინაშე არსებული გამოწვევებისა და შესაძლებლობების განხილვაში.
ასოციაცია მიესალმება Volta-ს გაწევრიანებას და მიიჩნევს, რომ ინდუსტრიის სხვადასხვა მიმართულებით მომუშავე კომპანიების თანამშრომლობა ხელს შეუწყობს საქართველოში ელექტრონული კომერციის განვითარებას, ინოვაციური სავაჭრო მოდელების დანერგვასა და მომხმარებლებისთვის ონლაინ შესყიდვების გამოცდილების გაუმჯობესებას.
