გაყიდვების გაზრდის გამოცდილი მეთოდები eCommerce-ში

ჩაუშვით ინტერნეტ-მაღაზია, აირჩიეთ ტრენდული პროდუქტი და შექმენით დახვეწილი ვებ-გვერდი - მაგრამ გაყიდვები მაინც არ იზრდება? 

გულახდილად რომ ითქვას, დღეს, ინტერნეტში ყურადღების მიქცევა ისე რთულია, როგორც არასდროს. მსოფლიოს მასშტაბით არსებობს 27 მლნ-ზე მეტი ელექტრონული კომერციის საიტი (BuiltWith Trends). შესაბამისად,  გადავსებულ ბაზარზე რომ გამოირჩეოდეთ, საჭიროა რაღაც უფრო მეტი, ვიდრე კარგი პროდუქტის ქონა.

Statista-ს მონაცემებით, 2027 წლისთვის, ელექტრონული კომერცია დაიკავებს მსოფლიო საცალო ვაჭრობის ბაზრის მთლიანი წილის 22,6%, რაც მას ბიზნესის ზრდის საუკეთესო საშუალებად ხდის - მაგრამ მხოლოდ მათთვის, ვინც სწორი სტრატეგიების შემუშავებას და რეალიზებას შეძლებს.

სელერების ნაწილს მიაჩანიათ, რომ გაყიდვების გაზრდისთვის ეფექტურია ფასიანი რეკლამა. თუმცა, გაცილებით უფრო იაფი და ეფექტური მეთოდებიც არსებობს, როგორიცაა ონლაინ-მაღაზიის ოპტიმიზაცია, სამომხმარებლო გამოცდილების გაუმჯობესება და მომხმარებლების მონაცემების სწორად გამოყენება.

ამ სტატიაში განვიხილავთ რამოდენიმე გამოცდილ ტაქტიკას - დაწყებული SEO-დან და კონვერსიის ოპტიმიზაციიდან, დამთავრებული მომხმარებლების და მარკეტინგის ურთიერთქმედებით, რომლებიც დაგეხმარებათ ზედმეტი ხარჯების გარეშე გაზარდოთ გაყიდვები.

1. სამომხმარებლო გამოცდილების (UX) გაუმჯობესება უწყვეტი ნავიგაციისთვის

თქვენი საიტის სამომხმარებლო გამოცდილება - ეს არის შოურუმის ციფრული ექვივალენტი. წარმოიდგინეთ, რომ მაღაზიაში შესვლისას ყველაფერი ქაოტურად ელაგოს და ვერ პოულობდეთ სასურველ პროდუქტს, ამასთან, პერსონალიც არამეგობრული იყოს. სწორედ ასე აღიქვამენ ცუდ UX-ს (User Experience) თქვენი ონლაინ-მომხმარებლები. იმისათვის, რომ შექმნათ უწყვეტი შოპინგ-გამოცდილება, პრიორიტეტი მიანიჭეთ ინტუიციურ ნავიგაციას.

საიტის ოპტიმიზაციამ შეიძლება მნიშვნელოვნად გაზარდოს ელექტრონული კომერციის კონვერსია. კვლევები ასევე აჩვენებენ, რომ კარგად პროექტირებულ ვებ-გვერდებს შეიძლება ჰქონდეთ 200% და უფრო მაღალი კონვერსია.

დარწმუნდით, რომ საიტზე პროდუქტების კატეგორიები მკაფიოდ განსაზღვრული და მარტივად ხელმისაწვდომია. დანერგეთ ძიების საიმედო ფუნქცია, რომელიც ზუსტ შედეგებს იძლევა. ოპტიმიზაცია გაუკეთეთ საიტის ჩატვირთვის სიჩქარეს, რადგან ამ მხრივ შეფერხება მომხმარებლის იმედგაცრუებას და ყიდვის პფოცესის შეწყვეტას იწვევს.

წარმოადგინეთ პროდუქტის მკაფიო და მოკლე აღწერა, რომელსაც თან დაურთავთ ხარისხიან ფოტო და ვიდეო მასალას. კარგად გათვლილი UX-ი ზრდის კონვერსიის კოეფიციენტს და მომხმარებელთა ლოიალურობას, წამახალისებლად მოქმედებს განმეორებითი შენაძენის გაკეთებაზე და პოზიტიურ “ზეპირსიტყვიერ” რეკლამაზე.

2. გაზარდეთ მომხმარებელთა ლოიალურობა სპეციალური პროგრამებით

ლოიალურობის პროგრამები - ეს არის არამარტო ფასდაკლება, არამედ გრძელვადიანი ურთიერთობის აგება მომხმარებელთან. წაახალისეთ მუდმივი მომხმარებლები ექსკლუზიური ლგოტებით, როგორიცაა აქციებზე და ფასდაკლებებზე ადრეული წვდომა, პერსონალიზებული რეკომენდაციები და ქულები, რომელთა გამოყენებაც შესაძლებელი იქნება სამომავლო შენაძენის გასაკეთებლად.

დაამატეთ დავალებები და ჯილდოები, რათა შეიტანოთ გეიმიფიკაციის (თამაშის) ელემენტები. მაგალითად, შესთავაზეთ საბონუსე ქულები გარკევული დავალებების შესრულების ან განსაზღვრული ეტაპების მიღწევისთვის.

ასეთი მიდგომა მომხმარებლების არამარტო დაინტერესებას იწვევს, არამედ უღვივებს სურვილს შეისწავლონ პროდუქტის სხვადასხვა კატეგორიები და უფრო მეტი დახაჯონ.

კარგად სტრუქტურირებული ლოიალურობის პროგრამა, შემთხვევით შემოსულ მომხმარებლებს აქცევს ბრენდის ერთგულ მყიდველებად, ასტიმულირებს მუდმივ გაყიდვებს და ამყარებს ბრენდის საზოგადო იმიჯს. 

3. გამოიყენეთ დეფიციტის ტაქტიკა სასწრაფო ქმედებებისთვის

დეფიციტის ტაქტიკას მოქმედებაში მოყავს ადამიანის ფსიქოლოგიური შიში იმისა, რომ ხელიდან რაღაცას უშვებს (FOMO), რითაც უბიძგებს მომხმარებლებს სასწრაფოდ ყიდვისკენ. ამ ტაქტიკისას უნდა გამოიყენოთ შეზღუდვის და მარაგების ამოწურვის საკითხები. მაგალითად, აჩვენეთ უკუთვლის თაიმერები, რათა შეიქმნას განცდა, რომ გადაწყვეტლება სასწრაფოდ მისაღებია. გამოიყენეთ შესაბამისი ფრაზები, როგორიცაა - “დარჩენილია მხოლოდ…” ან “მარაგები იწურება” და ა.შ. რათა ხაზი გაუსვათ დეფიციტს. 

ეს ტაქტიკები ქმნიან გამონაკლისის და სასწრაფო რეჟიმის განცდას, რითაც უბიძგებენ მომხმარებლებს მოქმედებისკენ.

თუმცა, დეფიციტის ტაქტიკის გამოყენება საჭიროა ეთიკურად და გამჭვირვალედ. ცრუ დეფიციტმა შეიძლება ბრენდის რეპუტაცია დააზიანოს და მომხმარებლების ნდობა დაგაკარგინოთ.

4. მიყიდეთ უფრო მეტი საქოენლი თქვენს მომხმარებლებს შესაბამისი რეკომენდაციების გამოყენებით 

მას შემდეგ, რაც მომხმარებელი კალათაში მოათავსებს შენაძენს, მაშინვე შესთავაზეთ დამატებითი საქონელი ან უფრო ძვირიანი ალტერნატივები. გამოიყენეთ პერსონალიზებული რეკომენდაციები ნახვების ისტორიის გაანალიზების და ყიდვის დროს გამოვლენილი ქცევის საფუძველზე.

მაგალითად, თუ, მომხმარებელი ყიდულობს კამერას, შესთავაზეთ შტატივები ან მეხსიერების ბარათები. ხაზი გაუსვით საქონლის უპირატესობებს და აჩვენეთ მომხმარებელს, თუ როგორ გაუმჯობესდება მისი პირველადი შენაძენი მათი დამატებით. 

ეს ტაქტიკა არამარტო გაყიდვებს გაზრდის, არამედ მომხმარებლისთვის უფრო ფასეულს გახდის თქვენს ბრენდს და მის სამომხმარებლო გამოცდილება გაუმჯობესდება.

5. მოახდინეთ კონვერსიის ოპტიმიზაცია A/B-ტესტირებით

A/B-ტესტირებას გადამწყვეტი მნიშვნელობა აქვს თქვენი ელექტრონული კომერციის საიტის ოპტიმიზაციისთვის. დატესტეთ სხვადასხვა ელემენტები, როგორიცაა სათაური, CTA (მოქმედებისკენ მოწოდების) ღილაკები, პროდუქტის აღწერა და მაკეტების დიზაინი, რათა განსაზღვროთ, რას უფრო მეტი გამოხმაურება და ინტერესი აქვს თქვენი აუდიტორიის მხრიდან. გამოიყენეთ მონაცემებზე დაყრდნობით შემუშავებული იდეები საფუძვლიანი გადაწყვეტილებებისთვის და თქვენი საიტის წარმადობის მუდმივად ზრდისთვის.

მაგალითად, დატესტეთ სხვადასხვა ფერის ღილაკები ან ფორმულირებები, რათა გამოავლინოთ, რომელი მათგანი ახდენს უფრო მეტი კლიკის გენერირებას. A/B-ტესტირება საშუალებას მოგცემთ დახვეწოთ საიტი რეალურ დროში დამუშავებულ მონაცემებზე დაყრდნობით, გარანტირებულად მოგიტანთ მაქსიმალურ კონვერსიას და გაყიდვების სტიმულირებას.

6. შეამცირეთ კალათის მიტოვების მაჩვენებელი სტრატეგიული შეხსენებებით

კალათის მიტოვება - გავრცელებული პრობლემაა ელექტრონულ კომერციაში. იმისათვის, რომ ამ პრობლემის მოგვარება შეძლოთ, შეიმუშავეთ ისეთი სტრატეგიები, როგორიცაა ავტომატური შეხსენება ელექტრონული ფოსტით. შესთავაზეთ მომხმარებელს მასტიმულირებელი წინადადებები, როგორიცაა ფასდაკლებები ან უფასო მიწოდება, რათა შეძლოთ მომხმარებლის მოტივირება შენაძენის დასრულებაზე.

გაამარტივეთ შეკვეთის გაფორმების პროცესი შესავსები ფორმის ველების შემცირებით და საიტზე შესვლა-რეგისტრაციის გარეშე შევსების შესაძლებლობით. წარუდგინეთ მომხმარებელს შეკვეთის გაფორმების, მიწოდების და დაბრუნების გამჭვირვალე და გასაგები პირობები, რათა მოიპოვოთ ნდობა.

შეკვეთის მიტოვების გავრცელებული მიზეზების აღმოფხვრა დაგეხმარებათ დაკარგული გაყიდვების აღდგენაში და კონვერსიის საერთო კოეფიციენტის გაუმჯობესებაში.

7. ყოველთვის წინა პლანზე წამოწიეთ და დემონსტრირება გაუკეთეთ ყველაზე გაყიდვად საქონელს

გამოყავით ყველაზე გაყიდვადი საქონელი - ეს არის ეფექტური საშუალება სოციალური მტკიცებულების გამოყენებისთვის და გაყიდვების სტიმულირებისთვის. დემონსტრაციულად წარადგინეთ ნიშანი «ბესთსელერი» ან შექმენით ცალკე განყოფილება ყველაზე გაყიდვადი საქონელისთვის. ასევე, გამოაქვეყნეთ თვალსაჩინო ადგილას მომხმარებელთა გამოხმაურებები, ავტორიტეტის და ნდობის გასამყარებლად.

გამოიყენეთ მონაცემთა ანალიტიკა, რათა გამოავლინოთ ყველაზე ეფექტური საქონელი და ოპტიმიზაცია გაუკეთოთ საიტზე მათ განთავსებას.

ყველაზე გაყიდვადი საქონელი იზიდავს ახალ მომხმარებლებს და არსებულს უღვივებს სხვა პოპულარული საქონლის შესწავლის სურვილს, რაც გაყიდვების საერთო რაოდენობას ზრდის.

8. დანერგეთ email-მარკეტინგის საიმედო სტრატეგია

Email-მარკეტინგი კვლავ რჩება მაღალეფექტურ ინსტრუმენტად ელექტრონულ კომერციაში გაყიდვების გასაზრდელად. შექმენით მომხმარებელთა ელექტრონული ფოსტების ბაზა და შესთავაზეთ მათ პერსონალიზებული წინადადებები, ფასდაკლებები და უფასო მიწოდება. სეგმენტაცია გაუკეთეთ თქვენს აუდიტორიას მათი ინტერესების და შესყიდვებისას გამოვლენილი ქცევის შესაბამისად, რათა წარუდგინოთ პერსონალიზირებული email-კამპანიები.

მიზნობრივი ელექტრონული წერილით, შესთავაზეთ მომხმარებლებს ახალი პროდუქტები, სპეციალური შეთავაზებები და ექსკლუზიური პირობები. გამოიყენეთ ელ-ფოსტის ავტომატიზაცია ტრიგერული შეტყობინებების გასაგზავნად, როგორიცაა მისასალმებელი, მიტოვებული კალათის შეხსენება და შესყიდვის შემდგომი შეტყობინებები. 

კარგად რეალიზებული email-მარკეტინგის სტრატეგია, ხელს უწყობს თქვენი ბრენდის აქტუალურობის შენარჩუნებას და ასტიმულირებს განმეორებით შესყიდვებს.

დასვკნა

ელექტრონულ კომერციაში გაყიდვების გაზრდა მოითხოვს მრავალმხრივ მიდგომას. შოპინგ-გამოცდილების პერსონალიზაციიდან დაწყებული, დამატებითი გაყიდვების სტრატეგიის შემუშავებით დამთავრებული. პროცესის ყოველი ეტაპი ასრულებს მნიშვნელოვან როლს მნახველების მყიდველებად გადაქცევაში.

საკუთარი ვებ-გვერდის ოპტიმიზაცია, უწყვეტი სამომხმარებლო გამოცდილების შექმნა მობილური აპლიკაციით და მომხმარებლების მოზიდვა პერსონალიზირებული კონტენტით, საშუალებას მოგცემთ ეფექტურად გაზარდოთ გაყიდვები და ხანგრძლივი პერიოდით მოიპოვოთ მომხმარებლის ლოიალურობა.

მთავარია დაიწყოთ, თუნდაც მცირედით, დატესტოთ სხვადასხვა გზები და შემდეგ იზრუნოთ მასშტაბირებაზე და წარმატებაც არ დაიგვიანებს.

თქვენ რომელ მეთოდს გამოიყენებთ?